9 مئی مقدمات:سپریم کورٹ میں بانی پی ٹی آئی کی ضمانت کی درخواستیں سماعت کے لیے مقرر

اسلام آباد: سپریم کورٹ میں پاکستان تحریک انصاف (پی ٹی آئی ) کے بانی چئیرمین عمران خان کی9 مئی مقدمات میں پاکستا ن ضمانت کی درخواستیں سماعت کے لیے مقرر ہو گئیں ہیں۔

تفصیلات کے مطابق چیف جسٹس آف پاکستان کی سربراہی میں 3 رکنی بینچ بانی پی ٹی کی درخواستوں پر سماعت کرے گا۔

 وکیل سلمان صفدر نے اضافی دستاویزات جمع کروا دیں جنہیں ریکارڈ کا حصہ بنانے کی استدعاکی گئی ہے۔

وکیل سلمان صفدر کی جانب سے جمع کرائی گئی اضافی دستاویزات میں ماتحت عدلیہ کے فیصلوں سمیت دیگر ریکارڈ شامل ہے۔

خیال رہے کہ اس سے قبل لاہو ر ہائیکورٹ نے 9 مئی مقدمات میں بانی پی ٹی آئی کی ضمانت کی درخواستیں مسترد کر دیں تھیں جس کے بعد پی ٹی آئی کی جانب سے انہیں سپریم کوٹ میں چیلنج کر نے کا اعلان کیا تھا۔