مسلم لیگ (ن) نے رانا ثنااللہ کو سینیٹ کا امیدوار نامزد کر دیا

مسلم لیگ (ن) نے وزیراعظم شہباز شریف کے مشیر برائے سیاسی امور رانا ثنااللہ کو پنجاب اسمبلی سے سینیٹ کی جنرل نشست کے لیے انتخابی ٹکٹ جاری کر دیا ہے۔

یاد رہے کہ الیکشن کمیشن آف پاکستان (ای سی پی) نے دو روز قبل پنجاب اسمبلی سے سینیٹ کی خالی جنرل نشست پر انتخابی شیڈول جاری کیا تھا۔

یہ نشست پاکستان تحریک انصاف (پی ٹی آئی) کے سینیٹر اعجاز چوہدری کی نااہلی کے باعث خالی ہوئی تھی، جس پر ضمنی انتخاب 9 ستمبر کو ہوگا۔

ای سی پی کے جاری کردہ شیڈول کے مطابق کاغذاتِ نامزدگی 19 اور 20 اگست کو جمع کروائے جا سکتے ہیں، ان کی جانچ پڑتال 23 اگست کو ہوگی، اپیلوں پر فیصلے 28 اگست تک سنائے جائیں گے،

اور نامزدگی واپس لینے کی آخری تاریخ 30 اگست مقرر کی گئی ہے۔