زیلنسکی، ٹرمپ ملاقات سے پہلے روس کا یوکرین پر بڑا حملہ، 10 افراد ہلاک،متعدد زخمی
یہ حملے سفارتی کوششوں کی تذلیل ہیں اور ماسکو کو جنگ پر انعام نہیں ملنا چاہیے،یوکرینی صدر


کیف:یوکرینی صدر زیلنسکی اور ٹرمپ کے درمیان ملاقات سے قبل روس کی جانب سے یوکرین کے مختلف علاقوں میں کارروائیاں کی گئیں ہیں جس کے نتیجے میں 10 افراد جاں بحق جبکہ 46 سے زائد افراد زخمی ہو گئے۔
غیر ملکی میڈیا کے مطابق یوکرین کے بڑے شہروں پر روس کے تازہ حملوں میں پیر کے روز کم از کم 10 افراد ہلاک ہوگئے، جب کہ یوکرینی صدر وولودیمیر زیلنسکی کی واشنگٹن میں امریکی صدر ڈونلڈ ٹرمپ سے اہم ملاقات متوقع ہے۔
میڈیا رپورٹس کے مطابق یوکرین کے شمال مشرقی شہر خارکیف میں رات گئے ہونے والے ڈرون حملے میں ایک ہی خاندان کے 7 افراد جاں بحق ہوگئے، جن میں ایک بچی اور اس کا 16 سالہ بھائی بھی شامل ہیں۔
مقامی حکام کے مطابق حملے میں 23 افراد زخمی بھی ہوئے،جبکہ یوکرینی حکام کا کہنا ہے کہ روس کی جانب سے یہ حملے زیلنسکی کی امریکی قیادت کے ساتھ ملاقات سے چند گھنٹے قبل کیے گئے، جو کہ جنگ بندی کے کسی ممکنہ معاہدے پر بات چیت کا حصہ ہے۔
دوسری جانب یوکرینی صدر ولادیمیر زیلنسکی نے واشنگٹن میں میڈیا سے گفتگو کرتے ہوئے کہا کہ یہ حملے سفارتی کوششوں کی تذلیل ہیں اور ماسکو کو جنگ پر انعام نہیں ملنا چاہیے۔
پریس کانفرنس کرتے ہوئے انہوں نے مزید کہا کہ ہر کوئی باعزت امن اور حقیقی سلامتی چاہتا ہے، جنگ ختم ہونی چاہیے، یہ ماسکو ہے، جسے یہ لفظ سننا ہوگا۔
ان کا کہنا تھا کہ آج وہ صدر ٹرمپ کے ساتھ اہم امور پر بات کریں گے اور برطانیہ، فرانس، جرمنی، اٹلی، فن لینڈ، یورپی یونین اور نیٹو کے رہنما بھی اس گفتگو میں شریک ہوں گے۔

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 13 days ago

پیٹرول اور ڈیزل کی قیمتوں میں کمی کا اعلان
- 14 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 12 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 11 days ago

پولیس افسران کی ترقیوں کے خلاف پنجاب حکومت کی اپیلیں خارج
- 13 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 13 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 11 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 13 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 12 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 14 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 13 days ago
پہلے ایل پی جی اوراب بجلی بم گرا دیا گیا
- 13 days ago








