تلنگانہ: جلوس میں ہندو دیوتا کی مورتی ہائی ٹینشن تار سے ٹکرا گئی، 11 افراد ہلاک،متعدد زخمی

حیدر آباد: بھارت کی جنوبی ریاست تلنگانہ کے ضلع رام ناتھ پور میں مذہبی جلوس کے دوران کرنٹ لگنے سے 11 افراد ہلاک اور 5 زخمی ہوگے۔

بھارتی میڈیا کے مطابق بھارتی ریاست حیدرآباد کے ضلع رام ناتھ پور میں مذہبی تہوار جنم اشٹمی کے موقع پر افسوسناک واقعہ پیش آیا جہاں لوگوں کی بڑی تعداد مذہبی جلوس میں شریک تھی کہ اس دوران ہندو دیوتا کی مورتی ہائی ولٹیج کرنٹ کی تیار سے ٹکرا گئی جس سے جلوس میں بھگڈر مچ گئی  جس کے نتیجے میں 11 افراد ہلاک اور 5 شدید زخمی ہو گئے۔

پولیس نے بتایا کہ یاترہ میں رتھ ٹوٹ جانے کے بعد جب کچھ نوجوانوں نے اسے دھکا دینے کی کوشش کی تو رتھ ایک ہائی ٹینشن وائر سے ٹکرا گیا اور کئی افراد کو کرنٹ لگ گیا۔ زخمیوں کو فوری طور پر قریبی اسپتال منتقل کیا گیا۔

پولیس نے واقعے کی تحقیقات شروع کر دی ہیں اور معاملے کا نوٹس لیتے ہوئے سیکیورٹی انتظامات مزید سخت کرنے کا اعلان کیا ہے۔

دوسری جناب وزیر اعلی تلنگانہ نے اس  واقعے پر افسوس کا اظہار کرتے ہوئے متاثرین کو مالی امداد اور زخمیوں کو بہتر طبی امداد کی دہنے کا اعلان کیا ہے۔