غزہ سے یرغمالیوں کی واپسی کے لیے فیصلہ کن کارروائی کا وقت آ گیا: ٹرمپ

 امریکی صدر ڈونلڈ ٹرمپ نے غزہ میں یرغمال بنائے گئے افراد کی واپسی کو حماس کی مکمل تباہی سے مشروط کر دیا ہے۔

سوشل میڈیا پر جاری ایک بیان میں ٹرمپ نے دعویٰ کیا کہ انہوں نے سیکڑوں یرغمالیوں کی رہائی کے لیے مذاکرات کیے، اور ان افراد کو اسرائیل اور امریکا واپس لانے میں نمایاں کردار ادا کیا۔

ٹرمپ نے کہا، "غزہ سے مزید یرغمالیوں کی واپسی صرف اسی صورت ممکن ہوگی جب حماس کو مکمل طور پر ختم کر دیا جائے۔ یہ قدم جتنی جلدی اٹھایا جائے گا، کامیابی کے امکانات اتنے ہی زیادہ ہوں گے۔"

 صدر نے اپنے دور حکومت کی کامیابیوں کا ذکر کرتے ہوئے دعویٰ کیا کہ انہوں نے صرف چھ ماہ کے اندر چھ جنگیں ختم کروائیں اور ایران کی جوہری تنصیبات کو تباہ کیا۔