بونیر میں گاڑی گہری کھائی میں جا گری ، خاتون سمیت 3افراد جاں بحق 5 زخمی

بونیر: خیبر پختونخوا کے ضلع بونیر کے علاقے گوکند غواردارا میں ایک افسوسناک حادثہ پیش آیا جہاں ڈاٹسن گاڑی گہری کھائی میں جا گری۔ 

حادثے کے نتیجے میں 2 خواتین اور ایک بچہ موقع پر ہی جاں بحق ہو گئے جبکہ 5 افراد زخمی ہو گئے۔ 

ریسکیو ذرائع کے مطابق گاڑی تقریبا 300 فٹ نیچے کھائی میں گری، جس میں سوار 2 خواتین اور ایک بچہ موقع پر ہی جاں بحق ہو گئے اور زخمی ہونے والے افراد کی حالتیں سنگین ہو گئی۔

حکام کے مطابق اطلاع ملتے ہی ریسکیو اہلکار موقع پر پہنچے اور زخمیوں کو ابتدائی طبی امداد دینے کے بعد ڈسٹرکٹ ہیڈ کواٹر اسپتال منتقل کیا گیا، جہاں ان کو بہتر طبی امداد دی جا رہی ہے۔