ہماری دعائیں اور ہمدردیاں تمام متاثرہ خاندانوں کیساتھ ہیں جواس قدرتی آفت کا سامنا کررہے ہیں، بیرسٹر گوہر

اسلام آباد:پاکستان تحریک انصاف (پی ٹی آئی) کے چیئرمین بیرسٹرگوہرخان نے کہا ہے کہ ہماری دعائیں اورمکمل ہمدردیاں ان تمام متاثرہ خاندانوں کیساتھ ہیں جواس قدرتی آفت کا سامنا کررہے ہیں۔

تفصیلات کے مطابق چئیرمین پی ٹی آئی بیرسٹر گوہر خان نے اپنےبیان میں کہا ہے کہ پنجاب میں حالیہ سیلاب نے عوام کو بری طرح متاثر کیا ہے اور کئی خاندان شدید مشکلات سے دوچار ہیں۔

اپنے بیان میں انہوں نے مزید کہا کہ ہماری دعائیں اورمکمل ہمدردیاں ان تمام متاثرہ خاندانوں کیساتھ ہیں جواس قدرتی آفت کا سامنا کررہے ہیں، انہوں نے قوم سے اپیل کی کہ وہ مشکل کی اس گھڑی میں متحد ہوکرمتاثرین کی مدد کیلئے آگے آئیں۔

انکا کہنا تھا کہ یہ وقت سیاست سے بالاترہوکرانسانی ہمدردی کا ہے، ہرفرد کو چاہیے کہ وہ اپنے وسائل کے مطابق سیلاب زدگان کی مدد کرے تاکہ انکی زندگیوں کو دوبارہ معمول پرلایا جا سکے۔

اپنے بیان میں چیئرمین پی ٹی آئی نے حکومت اور فلاحی اداروں پر زور دیا کہ وہ ریلیف اوربحالی کے کاموں میں تیزی لائیں تاکہ متاثرین کو فوری ریلیف فراہم کیا جا سکے۔