جے یو آئی (ف) کے ضلعی امیر مفتی کفایت اللہ دوران علاج انتقال کر گئے

مالاکنڈ: خیبر پختونخوا کے ضلع مالا کنڈ میں بیٹے کی فائرنگ سے زخمی ہو نے والےجے یو آئی( ف) کے ضلعی امیر مفتی کفایت دوران علاج دم توڑ گئے۔

تفصیلات کے مطابق پولیس حکام کا کہنا ہے کہ مفتی کفایت اللہ اسلام آباد کے نجی اسپتال میں زیر علاج تھے۔ ان کی نمازِ جنازہ رات 10 بجے ظفر پارک بٹ خیلہ میں ادا کی جائے گی۔

دوسری جانب سربراہ جے یو آئی(ف) مولانا فضل الرحمان نے جے یو آئی (ف)مالاکنڈ کے امیر مفتی کفایت اللہ کی وفات پر اظہار افسوس کرتے ہوئے کہا کہ اللہ کریم مرحوم کی ہمہ جہت خدمات کو شرف قبولیت عطاء فرمائے۔

خیال رہے کہ چند روز قبل مفتی کفایت اللہ کے بیٹےنے 16 اگست کو گھر میں اہل خانہ پر فائرنگ کی تھی، جس کے نتیجے میں مفتی کفایت زخمی، دو بیٹیاں اور ایک بیٹا جاں بحق ہوگیا تھا۔

پولیس نے ملزم کو گرفتار کرکے مقدمہ درج کر لیا ،ابتدائی تحقیقات کے مطابق گھریلو تنازع پر ملزم نے فائرنگ کی۔