پنجاب بھر کی کوآپریٹو سوسائٹیزمیں شجرکاری مہم کا آغاز کردیا گیا

تفصیلات کے مطابق شجرکاری مہم کے آغاز پر سنٹرل پارک ماڈل ٹاؤن میں پر ایک تقریب کا انعقاد کیا گیا، تقریب میں صوبائی وزیر راجہ بشارت ماڈل ٹاؤن سوسائٹی کے صدر داؤد باری، نائب صدر حسیب الرحمن نے بطور مہمان خصوصی شرکت کی ، میاں عامر محمود، سابق صدر ماڈل ٹاؤن سوسائٹی میاں سیف الرحمن  نے بھی شرکت کی ہے

صوبائی وزیر قانون کا کہنا ہے کہ شجر کاری پاکستان تحریک انصاف کے منشور کا اہم حصہ ہے ، تحریک انصاف کے بلین ٹری منصوبے کو دنیا بھر میں پذیرائی ملی ہے، مون سون شجرکاری مہم میں حکومت پنجاب عمران خان کے ویژن کے مطابق بھر پور حصہ لے رہی ہے ۔

راجہ بشارت کا کہنا تھا کہ پنجاب کوآپریٹوز کی تمام ہاؤسنگ سوسائیٹیاں اس شجر کاری مہم میں نمایاں نظر آئیں گی ، عوام کو بھی اپنی آنے والی نسلوں کے لیے حکومت کا بھرپور ساتھ دینا چاہیے ۔