نارنگ شہر اور گردونواح کے سینکڑوں دیہات کا واحددیہی مرکز صحت لاوارث، ادویات ناپید، عوام سراپا احتجاج

نارنگ منڈی :(میاں معظم سے )نارنگ شہر اور گردونواح کے سینکڑوں دیہات کا واحد دیہی مرکز صحت نارنگ حکومتی عدم توجہ کا شکار نہ بجلی نہ ادویات، جس کی وجہ سے آنے والے مریض خوار ہونے لگے۔

 تفصیلات کے مطابق سینکڑوں دیہاتوںاور نارنگ شہر کے لاکھوں باسیوں کے لئے واحد دیہی مرکز صحت نارنگ اس وقت بے یارومدگار ہو چکا ہسپتال میں ادویات ختم ڈریسنگ کا سامان بھی بازار سے منگوانا پڑ رہا بجلی جانے کی صورت میں متبادل بھی نظام نہیں رات کو اندھیرے میں ڈوبا رہتا ہے جس سے آنے والوں مریضوں کے لئے ابتدائی طبی امداد بھی ناپید ہو چکی۔

یہاں تک کہ بنیادی ادویات اور ڈریسنگ کا سامان بھی موجود نہیںاور اسپتال کا عملہ کئی دنوں سےغائب ہے۔

اوپر سے نارنگ کے نواحی درجنوں دیہات شدید سیلابی صورتحال سے دو چار ہے جس کی وجہ سے عوام مزید مشکلات میں مبتلا ہیں۔

اہل علاقہ نے شدید احتجاج کرتے ہوئے کہا حکومت کی عدم توجہ کے باعث مقامی ہسپتال بھوت بنگلے کا منظر پیش کر رہا عام کے لئے طبی سہولیات بھی چھینی جا رہی ہیں غریب آدمی کا کوئی پرسان حال نہیں۔

تاہم جب اس سلسلہ میں محکمہ صحت کے حکام سے بات کی گئی تو ان کا کہنا تھا کہ نارنگ دیہی مرکز صحت نارنگ کو آوٹ سورس کر دیا گیا تھرڈ پارٹی اس کا چارج سنبھال لے گی اور اس کا اپنا نیا سٹاف بھی پہنچ جائے گا اور پہلے سے تعینات محکمہ صحت کے ڈاکٹرز اور عملہ کو دیگر ہسپتالوں میں بھیجا جا رہا ہے حکومتی پالیسی کے مطابق پہلے سے بہتر طبی سہولیات میسر ہوں گی ۔