وائلڈ لائف رینجرز اور ریسکیو فورس نےمشترکہ آپریشن کرتے ہوئے سیلاب میں پھنسے 6 شیر ریسکیو کر لیے

لاہور: وائلڈ لائف رینجرز اور ریسکیو فورس نے ملتان روڈ پر راوی کے کنارے واقع ایک فارم ہائس میں پھنسے 6 شیروں کو بروقت کارروائی کرتے ہوئے ریسکیو کر لیا۔ 

اس موقع پر پنجاب کی سینئر وزیر مریم اورنگزیب نے وائلڈ لائف رینجرز اور ریسکیو اہلکاروں کی کارکردگی کو سراہتے ہوئے کہا کہ شدید بارشوں اور مشکل حالات کے باوجود ٹیم نے جانفشانی سے فرائض انجام دیے۔ 

انہوں نے مزید کہا کہ یہ بروقت کارروائی نہ صرف شیروں کی جان بچانے میں کامیاب رہی بلکہ انسانی جانوں کو بھی ممکنہ خطرات سے محفوظ کر دیا۔

سینئر وزیر کا کہنا تھا کہ وائلڈ لائف  نے ان شیروں اور ان سے انسانی جانوں کے خطرے کو بروقت ٹال دیا، یہ ایک مشکل آپریشن تھا جس میں چارکشتیاں اورویٹنری ڈاکٹرز نے حصہ لیا۔

مریم اورنگزیب نے مزید بتایا کہ ریسکیو کیے گئے تمام شیروں کو محفوظ مقام پر منتقل کر دیا گیا ہے جہاں ان کا فوری میڈیکل چیک اپ اور ویٹرنری کیئر فراہم کی جا رہی ہے۔