شدید سیلابی صورتحال: ہیڈ گنڈا سنگھ بارڈر پر پاک رینجرز اور بی ایس ایف کی پریڈعارضی طور پر معطل

قصور:دریائے ستلج میںاس وقت شدید سیلابی صورتحال برقرار ہے،جبکہ پانی سے قصور کے گنڈا سنگھ بارڈر بھی متاثر ہوا ہے جس کی وجہ سے یہاں شام کے وقت پرچم اتارے جانے کے موقع پر ہونے والی پاکستان رینجرز پنجاب اور بی ایس ایف انڈیا کی پریڈ عارضی طور پر بند کر دی گئی ہے۔

تفصیلات کے مطابق پاکستان کے ضلع قصور اور بھارت کے شہر فیروزپور کے سنگم پر واقع گنڈا سنگھ والا اور حسینی والا بارڈر پر قومی پرچم اتارے جانے کے موقع پر ہونے والی رینجرز اور بی ایس ایف کی پریڈ عارضی طور پر بند کی گئی ہے۔

حکام کے مطابق سیلابی پانی کے مکمل انخلا تک پریڈ مؤخر رہے گی۔

خیال رہے کہ پنجاب کے ضلع قصور کے علاقے سے داخل ہونے والادریائے ستلج کا پانی سرحدی حدود کو بھی متاثر کر رہا ہے جبکہ بھارتی جانب فیروزپور ڈسٹرکٹ تک اس کے اثرات دیکھے جا رہے ہیں۔