جومرضی کرلو، تمہاراجانا ٹھہرگیا ہے،مریم نواز کا عطاتارڑ کی گرفتاری پر ردعمل

مسلم لیگ ن کی نائب صدر مریم نواز نے مسلم لیگ ن کے رہنما  اور ڈپٹی جنرل سیکرٹری عطااللہ تارڑ کی گرفتاری پر سماجی رابطے کی ویب سائٹ ٹوئٹرپر شدید ردعمل دیا۔ اپنے پیغام میں ان کا کہنا تھا کہ جس طریقے سے عطاء تارڑ کوگرفتاراوررہا کیا گیا یہ خوف کی عکاسی ہے،جعلی حکومت کے کیمپ میں الجھن اور انتشار دکھائی دے رہا ہے،جومرضی کرلو، تمہاراجانا ٹھہرگیا ہے۔

The way Ataa Tarar @TararAttaullah was arrested and released is reflective of extreme fear, confusion and disarray in the jaali govt camp. Jo marzi ker lo, tumhara jana thehr gaya. Insha’Allah.

— Maryam Nawaz Sharif (@MaryamNSharif) February 12, 2021

خیال رہے کہ مسلم لیگ ن کے رہنما اور ڈپٹی جنرل سیکرٹری عطا اللہ تارڑ کو وزیرآباد میں گرفتار کیا گیا  تھااور انہیں  گاڑی میں اسلحہ رکھنے کی وجہ سے گرفتار کیا گیا تھا تاہم کچھ دیر بعد ہی پولیس نے لیگی رہنما کو رہا کر دیا ،عطا تارڑ ڈسکہ میں ضمنی الیکشن کی مہم میں مصروف ہیں۔

دوسری جانب ڈاکٹر فردوس عاشق اعوان کا کہنا تھا کہ سیاسی شہرت کیلئےسیاسی اداکار عطااللہ تارڑ نےگرفتاری کاڈرامہ کیا،رنگ بازی اورشوبازی (ن )لیگ کاوطیرہ ہے،پولیس کوعابدرضاکی گاڑی میں اسلحہ کی اطلاع ملی،عطاتارڑخود اچھل کرپولیس وین میں بیٹھ گئے،عطا تارڑاورعابدرضانےافراتفری پھیلائی، عطاتارڑ شایدسینیٹ میں پہنچنےکیلئےہاتھ پاؤں ماررہےہیں،رنگ بازعطاتارڑاپنی جماعت کومتاثرکرسکتےہیں کسی اورکونہیں۔