سیاسی اداکار عطااللہ تارڑ نےگرفتاری کاڈرامہ کیا:فردوس عاشق

مسلم لیگ ن کے رہنما  اور ڈپٹی جنرل سیکرٹری عطااللہ تارڑ کی وزیرآباد میں اچانک گرفتاری اور بعد میں رہائی پر وزیراعلیٰ پنجاب سردار عثمان بزدار کی معاون خصوصی ڈاکٹر فردوس عاشق اعوان نے شدید ردعمل دیا۔ا ن کا کہنا تھا کہ سیاسی شہرت کیلئےسیاسی اداکار عطااللہ تارڑ نےگرفتاری کاڈرامہ کیا،رنگ بازی اورشوبازی (ن )لیگ کاوطیرہ ہے،پولیس کوعابدرضاکی گاڑی میں اسلحہ کی اطلاع ملی،عطاتارڑخود اچھل کرپولیس وین میں بیٹھ گئے،عطا تارڑاورعابدرضانےافراتفری پھیلائی،عطاتارڑشایدسینیٹ میں پہنچنےکیلئےہاتھ پاؤں مار رہے ہیں،رنگ بازعطاتارڑاپنی جماعت کومتاثرکرسکتےہیں کسی اورکونہیں۔

انہوں نے مزید کہا کہ عطاتارڑ نےسیاسی گیدڑکاکرداراداکیا،عطاتارڑ سستی شہرت سمیٹنے کی کوشش کررہے ہیں،مخالفین کاسیاسی محاذ پرمقابلہ کرناچاہتےہیں،عوام کوگمراہ کرنےکی سازشوں کوبےنقاب کریں گے،انہوں نے سیاسی شہرت حاصل کرنے اور میڈیا پر زندہ ہونے کیلئے اپنی گرفتاری کا شور مچایا۔

خیال رہے کہ مسلم لیگ ن کے رہنما اور ڈپٹی جنرل سیکرٹری عطا اللہ تارڑ کو وزیرآباد میں گرفتار کیا گیا  تھااور انہیں  گاڑی میں اسلحہ رکھنے کی وجہ سے گرفتار کیا گیا تھا تاہم کچھ دیر بعد ہی پولیس نے لیگی رہنما کو رہا کر دیا ،عطا تارڑ ڈسکہ میں ضمنی الیکشن کی مہم میں مصروف ہیں۔