سائنسدانوں کی نئی تخلیق، ریڑھ کی ہڈی کی دوبارہ افزائش میں بڑی کامیابی

ویب ڈیسک: سائنس کی دنیا میں ایک حیران کن پیش رفت سامنے آئی ہے۔ ماہرینِ حیاتیات نے لیبارٹری میں کامیابی کے ساتھ ایک فعال ریڑھ کی ہڈی اُگا لی ہے۔ 

ماہرین کا کہنا ہے کہ یہ تجربہ طبّی دنیا میں انقلاب برپا کر سکتا ہے۔ اب تک ریڑھ کی ہڈی کے زخم کو ناقابلِ علاج سمجھا جاتا تھا، اور حادثات یا بیماریوں کے باعث مفلوج ہونے والے افراد کے پاس اُمید کی کوئی کرن نہیں تھی۔

 لیکن یہ نئی دریافت اس حقیقت کو بدل سکتی ہے۔تحقیق کاروں کے مطابق، لیبارٹری میں اُگائی گئی ریڑھ کی ہڈی نہ صرف ساختی طور پر قدرتی ہڈی سے مشابہ ہے بلکہ اعصاب کو بھی فعال رکھنے کی صلاحیت رکھتی ہے۔

طبی ماہرین کا کہنا ہے کہ یہ وہ ہڈی ہے جو انسانی جسم کو سیدھا رکھنے اور دماغ سے پورے جسم تک پیغامات پہنچانے میں بنیادی کردار ادا کرتی ہے۔

 یہ خصوصیت مستقبل میں اُن مریضوں کے لیے اُمید کی نئی روشنی ہے جو ریڑھ کی ہڈی کے نقصان کے باعث اپنی زندگی محدود انداز میں گزارنے پر مجبور ہیں۔

سائنسدان پرامید ہیں کہ اگلے چند برسوں میں اس ٹیکنالوجی کو انسانوں پر آزمایا جا سکے گا۔ اگر یہ تجربہ کامیاب ہوا تو دنیا بھر میں لاکھوں مریضوں کی زندگی بدل سکتی ہے۔