کیا کل کراچی کے تعلیمی ادارے کھلیں گے یا نہیں؟  محکمہ تعلیم کا وضاحتی بیان سامنے آگیا

کراچی: شہر قائد کے تعلیمی اداروں میں کل تعطیل سے متعلق محکمہ تعلیم کا وضاحتی بیان سامنے آگیا۔

تفصیلات کے مطابق ترجمان صوبائی محکمہ تعلیم  سندھ  کی جانب سے جاری بیان میں  کہا گیا  ہے کہ محکمہ تعلیم نے کل عام تعطیل کا اعلان نہیں کیا،اور اسکول معمول کے مطابق کھلیں گے۔

ترجمان محکمہ سندھ کا کہنا ہے کہ اسکولوں میں تعطیل کے حوالے سے سوشل میڈیا پر گردش کرنے والا نوٹی فکیشن جعلی ہے۔

ترجمان محکمہ تعلیم نے مزید کہا کہ کل تمام تعلیمی ادارے معمول کے مطابق کھلے رہیں گے، تعلیمی ادارے بند کرنے کا فیصلہ صورتحال کے مطابق کیا جائے گا اور عوام کو بروقت آگاہ کیا جائے گا۔