موٹر سائیکل کی ٹکر سے صحافی حسن صدیقی جاں بحق

لاہور کے علاقے لبرٹی چوک پر مخالف سمت سے آنے والی تیز رفتار موٹر سائیکل کی ٹکر سے معروف صحافی حسن شہزاد صدیقی موقع پر ہی جاں بحق ہو گئے۔

عینی شاہدین کے مطابق حسن صدیقی، جو ڈیلی پاکستان سے تعلق رکھتے تھے، پارکنگ سے نکل کر مین روڈ پر آئے ہی تھے کہ مخالف سمت سے ون وے کی خلاف ورزی کرتے ہوئے دو موٹر سائیکل سواروں نے ان کی موٹر سائیکل کو ٹکر مار دی۔

تھانہ گلبرگ میں دی گئی درخواست میں بتایا گیا ہے کہ موٹر سائیکل سواروں نے ون وے کی خلاف ورزی کی اور حادثے کے بعد موقع سے فرار ہو گئے۔ درخواست گزار نے مطالبہ کیا ہے کہ دونوں موٹر سائیکل سواروں کو گرفتار کرکے ان کے خلاف سخت قانونی کارروائی کی جائے۔