ایف آئی اے کی کارروائی، غیرقانونی طور پر سمندری راستے سے ایران جانے والے 22 افراد گرفتار

گوادر: وفاقی تحقیقاتی ادارے (ایف آئی اے) کے کمپوزٹ سرکل گوادر کارروائی کرتے ہوئے سمندر کے راستے سے غیر قانونی طور پر ایران جانے کی کوشش ناکام بنا دی اور 22 ملزمان کو گرفتار کرلیا۔

ترجمان ایف آئی اے کے مطابق گرفتار ہونے والے افراد کا تعلق پنجاب، خیبرپختونخوا اور سندھ کے مختلف علاقوں سے ہے،یہ افراد ایران کے راستے غیر قانونی طور پر دیگر ممالک جانے کا ارادہ رکھتے تھے۔

ترجمان نے مزید بتایا کہ کارروائی کے دوران ملزمان کو جیوانی اور گبد (پی بی 250) سے حراست میں لیا گیا۔

ترجمان کا کہنا تھا کہ گرفتار افراد سے ابتدائی تفتیش کی جا رہی ہے جبکہ ان کے خلاف مزید قانونی کارروائی عمل میں لائی جا رہی ہے۔