قوالی کے فن میں منفرد مقام رکھنے والے مقبول احمد صابری کو مداحو ں سے بچھڑے 14 برس بیت گئے

ویب ڈیسک :پاکستان کے نامور قوال مقبول احمد صابری کومداحوں سے بچھڑے 14برس بیت گئے مگر مداحوں کے دلوں میں آج بھی زندہ ہیں۔

 1945 میں بھارت کے علاقے کلیانہ میں پیدا ہونے والے مقبول صابری نے ابتدائی تعلیم اپنے والد عنایت حسین صابری سے حاصل کی۔

انہوں نے چھوٹی عمر میں ہی قوالی کے سفر کا آغاز کردیاتھا، انہیں پاکستان ہی نہیں بھارت میں بھی خوب پذیرائی ملی،ان کی قوالیاں بھارتی فلموں کا بھی حصہ بنیں ،ن کا فن آج بھی زندہے۔’’تاجدار حرم ‘‘ اور ’’بھردو جھولی میری یا محمدؐ‘‘ کا شمار ان کی مشہور قوالیوں میں ہوتا ہے،1970 اور 1980کی دہائیوں میں صابری برادران کو بہت پذیرائی ملی۔
وہ اپنے بڑے بھائی غلام فرید صابری کے ساتھ مل کر قوالیاں گاتے تھے جس کی بدولت انہیں صابری برادران کی حیثیت سے دنیا بھر میں منفرد پہچان ملی۔

انہوں نے پاکستان کے ساتھ دنیا کے مختلف ممالک میں بھی اپنی آواز کا جادو جگایا۔صابری برادران کو موسیقی اور بالخصوص قوالی کے شعبہ میں نمایاں خدمات کے اعتراف میں حکومت پاکستان کی جانب سے صدارتی تمغہ حسن کارکردگی سمیت کئی عالمی اعزازات سے بھی نوازا گیا۔

 مقبول احمد صابری دل کے عارضے میں مبتلا ہو کر 21 ستمبر 2011 کو خالق حقیقی سے جا ملے لیکن اپنے فن کی بدولت آج بھی مداحوں کے دلوں میں زندہ ہیں۔