بلدیاتی انتخابات ، سندھ حکومت نے 14 اضلاع میں عام تعطیل کا اعلان کر دیا

کراچی: سندھ حکومت نے بلدیاتی ضمنی انتخابات کے موقع پر 24 ستمبر بدھ کو صوبے کے  14 اضلاع میں عام تعطیل کا اعلان کر دیا ہے۔

تفصیلات کے مطابق یہ تعطیل ان اضلاع میں ہونے والے ضمنی انتخابات میں ٹرن آؤٹ اور عوامی شمولیت زیادہ سے زیادہ کرنے کیلئے کی جا رہی ہے۔

جن اضلاع میں الیکشن ڈے پر تعطیل کا اعلان کیا گیا ہے ان میں ضلع گھوٹکی، سکھر، خیرپور، میرپور خاص، عمرکوٹ اور ماتلیری اضلاع میں ہوگی۔

اس کے علاوہ حیدر آباد، جامشورو، دادو، بدین ، ٹھٹھہ ، کراچی ویسٹ، کراچی ایسٹ اور کیماڑی اضلاع میں بھی عام تعطیل کا اعلان کیا گیا ہے۔

صوبائی محکمہ داخلہ کے مطابق بلدیاتی ضمنی انتخابات کے موقع پر 14 اضلاع میں تمام سرکاری دفاتر اور ادارے بند رہیں گے۔ 

14 اضلاع میں بلدیاتی ضمنی انتخابات کے لئے ووٹرز کو سہولت فراہم کرنے کے لیے چھٹی کا نوٹیفکیشن جاری کر دیا گیا ہے۔

خیال رہے کہ سندھ کے مختلف اضلاع میں ضمنی بلدیاتی انتخابات کے لیے رینجرزکی خدمات طلب کر لی گئی ہیں، الیکشن کمیشن نے کراچی ڈویژن کے 3 اضلاع اور ضلع عمر کوٹ میں نہایت حساس پولنگ اسٹیشنزپر رینجرز کی تعیناتی کے لیے وفاقی وزارت داخلہ کو خط لکھ دیا ہے۔