چین :سمندری طوفان ریگاسا کے خدشے کے پیش نظر 10 شہروں میں اسکول اور کاروبار بند کر نے کا حکم
یہ اقدامات کروڑوں افراد کو متاثر کریں گے اور چین کے صنعتی مرکز میں متعدد فیکٹریاں بند ہوں گی


چین نے سمندری طوفان ریگاسا کے خدشے کے پیش نظر 10 شہروں میں اسکول اور کاروبار بند کر نے کا حکم دیا ہے۔
میڈیا رپورٹس کے مطابق چین نے منگل کو حکم دیا ہے کہ سمندری طوفان ریگاسا کے ملک کے جنوبی حصے میں داخل ہونے سے پہلے کم از کم 10 شہروں میں اسکول اور کاروبار بند کیے جائیں۔ لوگوں کی حفاظت کے لیے کیے جانے والے یہ اقدامات کروڑوں افراد کو متاثر کریں گے اور چین کے صنعتی مرکز میں متعدد فیکٹریاں بند ہوں گی۔
چینی ٹیکنالوجی کا اہم شہر شینزین نے 4 لاکھ افراد کو شہر چھوڑنے کا حکم دیا ہے اور ایمرجنسی حکام نے خبردار کیا ہے کہ یہاں تیز ہوائیں، بارش، لہریں اور سیلاب آ سکتے ہیں۔
اتھارٹیز نے ایک بیان میں کہا کہ صرف ایمرجنسی ریسکیو عملہ اور وہ لوگ جو عوام کی ضروریات پوری کرتے ہیں باہر نکلیں، باقی لوگ بلاوجہ باہر نہ آئیں۔ دوپہر سے کام اور دکانیں بند ہو جائیں گی۔گوانگ ڈونگ صوبے کے دیگر شہر جہاں معطلی کے اقدامات نافذ کیے جا رہے ہیں، ان میں چاؤژو، ژوہائی، ڈونگ گوان اور فوشان شامل ہیں۔
فوشان کے ایمرجنسی ہیڈکوارٹرز نے بیان میں کہا کہ طوفان کے ساتھ آنے والی شدید ہوائیں اور بارش شہر پر سخت اثر ڈالیں گی، جس سے ایک اہم دفاعی صورتحال پیدا ہوگی۔
ہانگ کانگ کے موسمیاتی ادارے کے مطابق سمندری طوفان ریگاسا نے جنوب مشرقی چین کے سمندر میں حرکت کرتے ہوئے اپنے مرکز میں زیادہ سے زیادہ مسلسل ہواؤں کی رفتار 230 کلومیٹر فی گھنٹہ (140 میل فی گھنٹہ) پیدا کی، جبکہ اس سے پہلے یہ فلپائن کے بعض حصوں سے ٹکرایا تھا۔ہانگ کانگ نے منگل کو سمندری طوفان ریگاسا سے پہلے بندش کر دی اور اتھارٹیز نے لوگوں کو گھروں میں رہنے کی ہدایت کی، جب کہ زیادہ تر مسافر پروازیں جمعرات تک معطل رہیں گی۔
لوگ سپر مارکیٹوں میں جمع ہوگئے اور شیلف پر بہت کم اشیا رہ گئیں، کیونکہ گھبراہٹ کے باعث خریداری شروع ہوگئی اور رہائشیوں نے ضرورت کی چیزیں ذخیرہ کر لیں، اس خوف سے کہ دکانیں دو دن تک بند رہ سکتی ہیں۔شہر بھر کے گھروں اور کاروباروں کی کھڑکیاں ٹیپ سے بند کی گئیں، تاکہ ممکنہ ٹوٹے ہوئے شیشے کے اثرات کو کم کیا جا سکے۔
سی سی ٹی وی کے مطابق، گوانگ ڈونگ اتھارٹیز نے 7 لاکھ 70 ہزار سے زائد افراد کو خالی کرا لیا اور بتایا کہ صوبے میں منگل کو 10 لاکھ سے زائد افراد کی نقل مکانی متوقع ہے۔
ہانگ کانگ نے دوپہر 2:20 بجے طوفان سگنل 8 جاری کیا، جو اس کا تیسرا سب سے زیادہ خطرناک سگنل ہے اور زیادہ تر کاروباروں اور ٹرانسپورٹ خدمات کو بند کرنے کی ہدایت دیتا ہے، 700 سے زائد پروازیں متاثر ہوئیں، جن میں پڑوسی جوا ہب مکاؤ اور تائیوان بھی شامل ہیں۔

اسحاق ڈار اور یواے ای کے نائب وزیر اعظم کے درمیان ٹیلی فونک رابطہ،خطے کی صورتحال پرگفتگو
- 15 hours ago

آپریشن ’غضب للحق‘: شمالی وزیرستان میں پاک فوج کی فضائی و زمینی کارروائیاں جاری، متعدد ٹھکانے تباہ
- 20 hours ago

فلمی دنیا میں کامیابی کے بعد لالی وڈ اداکارہ صائمہ نور نے بیوٹی سیلون کھول لیا
- 18 hours ago

موجودہ عالمی معاشی دباوٴ کے پیش نظر سادگی اور بچت پر مبنی جامع لائحہ عمل تشکیل دیا جائے،وزیر اعظم
- 15 hours ago

افغانستان میں شہریوں کا تحفظ اولین ترجیح ہے، صرف خارجی دہشتگردوں کو نشانہ بنایاجا رہا ہے، پاکستان
- 19 hours ago

کئی روز کی مسلسل کمی کے بعد سونا آج پھر ہزاروں روپے مہنگا، نئی قیمت کیا ہو گئی؟
- 19 hours ago

پٹرولیم مصنوعات میں اضافے کے پاکستان ریلویز نےکرائے بڑھا دیے
- 14 hours ago

جنگ کا 8 واں روز: امریکا اور اسرائیل کےفضائی حملے جاری، ایران کی بھرپور جوابی کارروائی
- 19 hours ago

سیکیورٹی فورسز کی بلوچستان میں الگ الگ کارراوئیاں، 15 خارجی دہشتگرد جہنم واصل
- 15 hours ago

کوہستان کرپشن اسکینڈل کیس میں گرفتار ملزم جسمانی ریمانڈ پر نیب کے حوالے
- 20 hours ago

جی ایچ کیو حملہ کیس:عمر ایوب، مراد سعید، شبلی فراز، سمیت 47 اشتہاریوں کو 10، 10 سال قید کی سزا
- 20 hours ago

ایران اب ہمسایہ ممالک کو نشانہ نہیں بنائے گا، ایرانی صدر نے پڑوسیوں سے معافی مانگ لی
- 20 hours ago














