ڈپٹی گورنر کا کہنا تھا کہ رواں مالی سال اسکیم میں تبدیلی سے 30 فیصد کی بچت ہو گی، لیکن ترسیلات زر میں اضافہ اس اسکیم کی وجہ سے نہیں بلکہ زیادہ رقم بھیجی گئی ہے


اسلام آباد: سینیٹر فیصل واوڈا کا کہنا ہے کہ انہیں اطلاع ملی ہے کہ ایف بی آر ٹک ٹاکرز سے ٹیکس وصول کرنے کی تیاری کر رہا ہے، اور اگر ٹک ٹاکرز سے ریکوری کرنی ہے تو سب سے پہلے پنجاب سے آغاز کیا جائے۔
سینیٹر سلیم مانڈوی والا کی زیر صدارت سینیٹ کی قائمہ کمیٹی خزانہ کے اجلاس میں سینیٹر فیصل واوڈا نے کہا کہ ایف بی آر کو پنجاب کے ٹک ٹاکرز سے زیادہ ریکوری حاصل ہوگی۔
ڈپٹی گورنر اسٹیٹ بینک نے اسٹیٹ بینک کی ترسیلات زر پر مراعاتی اسکیم کے حوالے سے بریفنگ دیتے ہوئے بتایا کہ 2020 میں ترسیلات زر پر 20 سعودی ریال سبسڈی اسکیم شروع کی گئی تھی، جبکہ 2024 میں سبسڈی 30 سعودی ریال کر دی گئی تھی۔ رواں سال حکومت نے ترسیلات زر پر سبسڈی دوبارہ کم کر کے 20 سعودی ریال کر دی ہے۔
ڈپٹی گورنر کا کہنا تھا کہ رواں مالی سال اسکیم میں تبدیلی سے 30 فیصد کی بچت ہو گی، لیکن ترسیلات زر میں اضافہ اس اسکیم کی وجہ سے نہیں بلکہ زیادہ رقم بھیجی گئی ہے۔
سینیٹر فیصل واوڈا نے کہا کہ گورنر اسٹیٹ بینک کو گزشتہ تین سال کا مکمل ڈیٹا لے کر آنا چاہیے اور کمیٹی کو بریفنگ دینی چاہیے۔ ان کا کہنا تھا کہ اس اسکیم سے بینکوں کو بہت زیادہ فائدہ ہو رہا ہے، اور یہ ایک قسم کا اسکینڈل ہے جس پر انکوائری کرائی جانی چاہیے۔ چیئرمین ایف بی آر کو بینکوں سے ریکوری کرنا ہوگی۔
سینیٹر سلیم مانڈوی والا نے سوال کیا کہ پاکستان کرپٹو کونسل پر بریفنگ کون دے گا، جس پر وزیر مملکت اظہر بلال کیانی نے بتایا کہ وزیر خزانہ یا وزیراعظم کے معاون خصوصی بلال بن ثاقب کرپٹو کونسل پر بریفنگ دے سکتے ہیں۔
سینیٹر مانڈوی والا نے کہا کہ اگر حکومت کرپٹو کے حوالے سے قانون پاس کرانا چاہتی ہے تو قائمہ کمیٹی خزانہ کو پہلے بریفنگ دینی چاہیے۔

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 دن قبل

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 دن قبل

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- ایک دن قبل

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- ایک دن قبل

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- ایک دن قبل

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 دن قبل

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 دن قبل

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 دن قبل

پاکستان میں فی تولہ سونا ہزاروں روپے سستا ہوگیا
- ایک دن قبل

پیٹرول اور ڈیزل کی نئی قیمتوں کا اعلان
- 2 دن قبل

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 دن قبل

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 دن قبل



