بینکاک کے گورنر چاڈچارٹ سِتتی پُنٹ نے کہا کہ "یہ جگہ ایک اسٹیشن کے قریب ہے، مٹی اندر کی طرف کھنچ گئی اور یوں زمین بیٹھ گئی


تھائی لینڈ کے دارالحکومت بنکاک میں بدھ کی صبح ایک مصروف سڑک کا حصہ دھنس گیا جس سے مرکزی ہسپتال کے سامنے درجنوں میٹر گہرا گڑھا بن گیا اور قریبی رہائشیوں کو انخلا پر مجبور ہونا پڑا۔
خبر رساں ادارے اے ایف پی کے مطابق یہ حادثہ ایک مقامی پولیس اسٹیشن اور واجیرا ہسپتال کے قریب رہائشی علاقے میں پیش آیا، جہاں تقریباً 50 میٹر (160 فٹ) چوڑا گڑھا بننے سے بجلی کے تار ٹوٹ گئے اور ایک پھٹے ہوئے پائپ سے پانی اُبل کر باہر آ گیا۔ عینی شاہدین کے مطابق ایک پک اپ ٹرک گڑھے کے کنارے پر خطرناک انداز میں لٹکا ہوا نظر آیا۔
بینکاک کے ڈیزاسٹر پریوینشن ڈیپارٹمنٹ کے ڈائریکٹر سورییاچائی راویوان نے بتایا کہ زمین دھنسنے کی ممکنہ وجہ حالیہ شدید بارش اور پائپ کا رساؤ ہے۔ ان کے مطابق پانی کے رِساؤ سے سڑک کے نیچے کی مٹی بہہ گئی جس کے نتیجے میں یہ واقعہ پیش آیا۔ بہنے والی مٹی زیرِ تعمیر میٹرو اسٹیشن میں جا گری جس سے زمین بیٹھ گئی۔
یہ سرنگ سرکاری ماس ریپڈ ٹرانزٹ اتھارٹی کے زیرِ تعمیر منصوبے کا حصہ ہے، جس نے واقعے کی تحقیقات شروع کرنے کا اعلان کیا ہے۔ دھنسنے والی سڑک کے سامنے موجود پولیس اسٹیشن کو خالی کرا لیا گیا جبکہ قریبی اپارٹمنٹس سے بھی رہائشیوں کو نکالنے کے احکامات دیے گئے۔
بینکاک کے گورنر چاڈچارٹ سِتتی پُنٹ نے کہا کہ "یہ جگہ ایک اسٹیشن کے قریب ہے، مٹی اندر کی طرف کھنچ گئی اور یوں زمین بیٹھ گئی"۔ سوشل میڈیا پر شیئر کی گئی اور اے ایف پی کی جانب سے تصدیق شدہ ایک ویڈیو میں دیکھا جا سکتا ہے کہ سڑک پر اچانک دراڑیں پڑتی ہیں اور زمین دھنس جاتی ہے، جس سے پانی سے بھرا گڑھا ظاہر ہو جاتا ہے۔
تھائی لینڈ کی ایک بڑی میڈیکل یونیورسٹی سے وابستہ واجیرا ٹیچنگ ہسپتال نے فیس بک پوسٹ میں اعلان کیا کہ او پی ڈی خدمات عارضی طور پر معطل کر دی گئی ہیں اور حالات بہتر ہوتے ہی دوبارہ بحال کی جائیں گی۔
ہسپتال کے 27 سالہ ملازم نوپاڈیچ پِٹپینگ نے بتایا کہ بدھ کی صبح زور دار دھماکے جیسی آواز سے ان کی آنکھ کھلی۔ انہوں نے کہا کہ "آواز بالکل ایسی تھی جیسے کوئی بجلی کا کھمبا گر گیا ہو اور میرا پورا فلیٹ ہل گیا ہو"۔

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 days ago

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 days ago

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- a day ago

پیٹرول اور ڈیزل کی نئی قیمتوں کا اعلان
- 2 days ago

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 days ago

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 days ago

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- a day ago

پاکستان میں فی تولہ سونا ہزاروں روپے سستا ہوگیا
- a day ago

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 days ago

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- a day ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 days ago

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 days ago







