سرگودھا یونیورسٹی: ہیومن ریسورس ڈویلپمنٹ سنٹر کے زیرِ اہتمام ’ڈیجیٹل دور میں میڈیا لٹریسی ‘کے عنوان سے ورکشاپ انعقاد
وائرل مواد، غلط معلومات کے بہاؤ، سنسرشپ کے رجحانات اور اخلاقی تقاضوں کو سمجھنا موجودہ میڈیا نظام کا درست تجزیہ کرنے کے لیے ضروری ہے،ڈاکٹر سویرا شامی


سرگودھا: یونیورسٹی آف سرگودھا میں ہیومن ریسورس ڈویلپمنٹ سنٹر کے زیرِ اہتمام فیکلٹی ممبران کے لیے ''ڈیجیٹل دور میں میڈیا لٹریسی، آگاہی، اخلاقیات اور عمل'' کے عنوان سے تربیتی ورکشاپ کا انعقاد کیا گیا جس کا مقصد ذمہ دارانہ میڈیا استعمال کو فروغ دینا تھا،ورکشاپ میں چالیس سے زائد فیکلٹی ممبران نے شرکت کی۔
تفصیلات کے مطابق ’میڈیا لٹریسی ورکشاپ‘ کا افتتاح پرو وائس چانسلر پروفیسر ڈاکٹر مسعود سرور اعوان نے بطور مہمانِ خصوصی کیا۔
اس موقع پر گفتگو کرتے ہوئے انہوں نے کہا کہ آج کے ڈیجیٹل دور میں میڈیا عوامی رائے سازی پر گہرا اثر ڈال رہا ہے، تاہم پولرائزیشن اور غلط معلومات جیسے چیلنجز بھی درپیش ہیں۔انہوں نے کہا کہ تنقیدی سوچ کو فروغ دینا، مختلف معلوماتی ذرائع کو اپنانا اور معلومات کی تصدیق کو معمول بنانا ان مسائل کے حل کے لیے ناگزیر ہے۔
ورکشاپ میں پنجاب یونیورسٹی کے ڈیجیٹل میڈیا ڈیپارٹمنٹ کی چیئرپرسن پروفیسر ڈاکٹر سویرا مجیب شامی نے ماسٹر ٹرینر کے طور پر خدمات انجام دیں۔ انہوں نے میڈیا لٹریسی کی بنیاد، اقدار اور چیلنجز پر جامع لیکچر دیا۔ان کا کہنا تھا کہ پاکستان میں ڈیجیٹل میڈیا کے ارتقاء نے خبر رسانی، ترسیل اور کھپت کے انداز بدل دیے ہیں۔
انہوں نے مزید کہا کہ وائرل مواد، غلط معلومات کے بہاؤ، سنسرشپ کے رجحانات اور اخلاقی تقاضوں کو سمجھنا موجودہ میڈیا نظام کا درست تجزیہ کرنے کے لیے ضروری ہے۔
اس موقع پر شعبہ ابلاغیات سرگودھا یونیورسٹی کے چیئرمین پروفیسر ڈاکٹر مدثر حسین شاہ نے کہا کہ پاکستان کا میڈیا منظرنامہ تیزی سے منقسم ہو رہا ہے، جہاں سنسنی خیزی اور منتخب خبروں کی کھپت عوامی مباحث کو متاثر کر رہی ہے۔
انہوں نے کہا کہ پلیٹ فارم مخصوص حرکیات، اخلاقی معیارات اور مواد کے تنقیدی تجزیے کو سمجھنا ان پیچیدگیوں سے نمٹنے کے لیے ناگزیر ہے۔
ڈائریکٹر ایچ آر ڈی سی امجد حسین جنجوعہ نے اپنے خطاب میں کہا کہ اساتذہ اور عملے کو ڈیجیٹل مہارتوں سے آراستہ کرنا ایک باشعور اور ذمہ دار معاشرے کے قیام کے لیے ضروری ہے۔شرکائنے ورکشاپ کے دوران پاکستان میں میڈیا کے بدلتے ہوئے کردار اور درپیش چیلنجز سے نمٹنے کی حکمت عملیوں پر بھرپور تبادلہ خیال کیا۔

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 12 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 11 days ago

پولیس افسران کی ترقیوں کے خلاف پنجاب حکومت کی اپیلیں خارج
- 12 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 13 days ago

پیٹرول اور ڈیزل کی قیمتوں میں کمی کا اعلان
- 14 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 13 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 12 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 11 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 12 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 11 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 11 days ago
پہلے ایل پی جی اوراب بجلی بم گرا دیا گیا
- 12 days ago






