توشہ خانہ ٹو کیس: اڈیالہ جیل میں 7.5 گھنٹے طویل سماعت، کارروائی 1 اکتوبر تک ملتوی
عدالت میں عمران خان کی تینوں بہنیں، کزن قاسم زمان، اور بشریٰ بی بی کی بھابھی بھی موجود تھیں۔ وکیل صفائی قوسین فیصل اور سلمان صفدر ایڈووکیٹ عدالت میں پیش ہوئے


اسلام آباد کے اسپیشل جج سینٹرل شاہ رخ ارجمند نے توشہ خانہ ٹو کیس کی سماعت اڈیالہ جیل میں تقریباً ساڑھے 7 گھنٹے تک جاری رکھنے کے بعد یکم اکتوبر تک ملتوی کر دی۔ سماعت کے دوران پاکستان تحریک انصاف (پی ٹی آئی) کے بانی عمران خان اور ان کی اہلیہ بشریٰ بی بی کو خصوصی عدالت میں پیش کیا گیا، جبکہ ان کے وکیل نے نیب افسر محسن ہارون پر جرح کی، جو آئندہ سماعت پر بھی جاری رہے گی۔ سماعت کے دوران بجلی کی سپلائی معطل ہو جانے کے باعث کارروائی مؤخر کرنی پڑی۔
عدالت میں عمران خان کی تینوں بہنیں، کزن قاسم زمان، اور بشریٰ بی بی کی بھابھی بھی موجود تھیں۔ وکیل صفائی قوسین فیصل اور سلمان صفدر ایڈووکیٹ عدالت میں پیش ہوئے، جبکہ ایف آئی اے کی جانب سے اسپیشل پبلک پراسیکیوٹر عمیر مجید ملک نے پیروی کی۔
توشہ خانہ ٹو کیس کی تحقیقات کے لیے ایف آئی اے کی 3 رکنی جے آئی ٹی 12 ستمبر 2024 کو تشکیل دی گئی تھی۔ سپریم کورٹ کی جانب سے نیب ترامیم کے خلاف فیصلے کے بعد یہ ریفرنس ایف آئی اے کو منتقل کیا گیا تھا۔ یاد رہے کہ عمران خان اور بشریٰ بی بی کو 13 جولائی 2024 کو ضمانت ملنے کے فوری بعد نیب نے توشہ خانہ کے ایک نئے ریفرنس میں گرفتار کیا تھا، جس کا تعلق 10 قیمتی تحائف، جن میں 7 گھڑیاں شامل تھیں، کی غیر قانونی فروخت سے ہے۔
بشریٰ بی بی کو 31 جنوری 2024 کو توشہ خانہ کیس میں 14 سال قید کی سزا سنائی گئی تھی، جس کے بعد انہوں نے خود کو عدالت میں پیش کر کے گرفتاری دی تھی۔ بعد ازاں، انہیں بنی گالا منتقل کر دیا گیا تھا، جہاں سابق وزیراعظم عمران خان کی رہائش گاہ کو سب جیل قرار دیا گیا تھا۔ تاہم اسلام آباد ہائی کورٹ نے اس سزا کو معطل کر دیا، مگر نیب نے انہیں توشہ خانہ ٹو کیس میں دوبارہ گرفتار کر لیا تھا۔
عمران خان اور بشریٰ بی بی کو عدت کے دوران نکاح کیس میں بھی 7 سال قید کی سزا سنائی گئی تھی، جسے بعد میں سیشن عدالت نے کالعدم قرار دے دیا تھا۔ اسلام آباد ہائی کورٹ نے 23 اکتوبر 2024 کو بشریٰ بی بی اور 20 نومبر 2024 کو عمران خان کی ضمانت منظور کی تھی، تاہم روبکار جاری نہ ہونے کے باعث فوری رہائی ممکن نہ ہو سکی تھی۔ بعد ازاں 22 نومبر کو عمران خان کی رہائی کی روبکار جاری کر دی گئی تھی، لیکن وہ دیگر مقدمات کی وجہ سے تاحال اڈیالہ جیل میں قید ہیں۔

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 12 days ago

پولیس افسران کی ترقیوں کے خلاف پنجاب حکومت کی اپیلیں خارج
- 12 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 12 days ago

پیٹرول اور ڈیزل کی قیمتوں میں کمی کا اعلان
- 14 days ago
پہلے ایل پی جی اوراب بجلی بم گرا دیا گیا
- 12 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 13 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 11 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 13 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 11 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 12 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 11 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 11 days ago



