ایل پی جی مزید سستی، گھریلو سلنڈر کی قیمت میں 79 روپے کی کمی

اسلام آباد: اوگرا نے گھریلو صارفین کے لیے ایل پی جی کی قیمتوں میں کمی کا نوٹیفکیشن جاری کر دیا ہے۔

نوٹیفکیشن کے مطابق، فی کلو ایل پی جی کی قیمت میں 6 روپے 71 پیسے کی کمی کی گئی ہے، جس کے بعد نئی قیمت 207 روپے 48 پیسے فی کلو مقرر کی گئی ہے۔

گھریلو سلنڈر (11.8 کلو) کی قیمت میں 79 روپے 14 پیسے کی کمی ہوئی ہے، اور اکتوبر کے لیے اس کی نئی قیمت 2,448 روپے 33 پیسے مقرر کی گئی ہے۔

اوگرا کے مطابق نئی قیمتوں کا اطلاق یکم اکتوبر 2025 سے ہو گا۔