Advertisement
پاکستان

خضدار آپریشن: فتنۃِ الہندوستان کے 7 دہشت گرد ہلاک، 10 زخمی

سیکیورٹی ذرائع کے مطابق اس آپریشن میں اب تک سات دہشت گرد مارے گئے اور دس زخمی ہوئے، جبکہ آپریشن تاحال جاری ہے

GNN Web Desk
شائع شدہ ایک سال قبل پر ستمبر 30 2025، 9:53 شام
ویب ڈیسک کے ذریعے
خضدار آپریشن: فتنۃِ الہندوستان کے 7 دہشت گرد ہلاک، 10 زخمی

خضدار: بلوچستان کے ضلع خضدار کے علاقے زہری میں سیکیورٹی فورسز کے خفیہ معلومات پر مبنی آپریشن میں فتنۃِ الہندوستان سے تعلق رکھنے والے سات دہشت گرد ہلاک اور دس زخمی ہوئے ہیں۔

سیکیورٹی ذرائع کے مطابق اس آپریشن میں اب تک سات دہشت گرد مارے گئے اور دس زخمی ہوئے، جبکہ آپریشن تاحال جاری ہے۔ ہلاک شدگان کے قبضے سے تیارشدہ آئی ای ڈیز، ٹرانسمیٹرز، امریکی ساختہ خودکار ہتھیار، گرنیڈ، گولیاں اور موٹر سائیکلیں برآمد ہوئی ہیں۔

ذرائع نے بتایا کہ زہری کے ملحقہ پہاڑی علاقوں میں فتنۃِ الہندوستان کی موجودگی اور نقل و حرکت کے بارے میں خفیہ اطلاعات موصول ہوئی تھیں اور مبینہ طور پر دہشت گرد مقامی لوگوں کو ہراساں بھی کر رہے تھے۔ بڑھتی ہوئی دہشت گردی کے پیشِ نظر سیکیورٹی فورسز نے خفیہ اطلاعات کی بنیاد پر کارروائی کا آغاز کیا، جس میں بڑے پیمانے پر گراؤنڈ فورسز اور ہیلی کاپٹرز کا استعمال ہوا۔

مزید برآں، سیکیورٹی فورسز نے بدوکشت کے مرکزی پل پر نصب ایک بڑی آئی ای ڈی کو بھی کامیابی سے ناکارہ بنا دیا ہے۔

Advertisement
رجحانات
Advertisement