وزیر اعظم نے گلوبل فلوٹیلا میں پاکستانیوں کی شرکت کو قوم کے جذبے کی نمائندگی قرار دیا
وزیر اعظم نے کہا کہ یہ اقدام نہ صرف پاکستانی قوم کی امن پسندی اور انصاف کے لیے عزم کی عکاسی کرتا ہے، بلکہ ضرورت مندوں کی مدد کے جذبے کی بھی نمائندگی کرتا ہے


وزیر اعظم شہباز شریف نے "گلوبل صمود فلوٹیلا" میں پاکستانی وفد کی شرکت کو قوم کے جذبات، امن کی خواہش اور انسانی ہمدردی کے جذبے کی عکاسی قرار دیا ہے۔
سماجی رابطے کی ویب سائٹ ایکس (سابقہ ٹوئٹر) پر اپنے بیان میں وزیر اعظم نے کہا کہ وہ گلوبل صمود فلوٹیلا میں پاکستانی شہریوں کی باوقار شمولیت کو خراج تحسین پیش کرتے ہیں۔
انہوں نے مشتاق احمد خان، مظہر سعید شاہ، وہاج احمد، ڈاکٹر اسامہ ریاض، اسماعیل خان، سید عزیز نظامی، اور فہد اشتیاق سمیت تمام پاکستانیوں کی کوششوں کو سراہتے ہوئے کہا کہ یہ سب افراد انسانی ہمدردی کے اعلیٰ اصولوں کے تحت ایک عظیم مشن کا حصہ بنے۔
وزیر اعظم نے کہا کہ یہ اقدام نہ صرف پاکستانی قوم کی امن پسندی اور انصاف کے لیے عزم کی عکاسی کرتا ہے، بلکہ ضرورت مندوں کی مدد کے جذبے کی بھی نمائندگی کرتا ہے۔
انہوں نے یہ بھی واضح کیا کہ حکومت پاکستان انسانی جانوں کے تحفظ، بلارکاوٹ امداد کی ترسیل اور محفوظ رسائی کے اصولوں کی حمایت کرتی ہے، اور فلوٹیلا میں شامل پاکستانیوں کی فوری اور باعزت وطن واپسی کا بھرپور مطالبہ کرتی ہے۔
واضح رہے کہ اسرائیلی وزارت خارجہ کے مطابق فلوٹیلا میں شامل تمام کشتیوں کو اسرائیلی فورسز نے قبضے میں لے لیا ہے، اور ان میں سوار تمام افراد کو اسرائیل منتقل کیا جا رہا ہے، جہاں سے انہیں یورپی ممالک ڈی پورٹ کیا جائے گا۔
گزشتہ شب اسرائیلی بحریہ نے 40 سے زائد کشتیوں پر مشتمل گلوبل فلوٹیلا کو گھیر لیا اور متعدد کشتیوں پر واٹر کینن (پانی کی توپیں) کا استعمال کیا گیا۔
یاد رہے کہ غزہ کے محصور اور قحط زدہ عوام کے لیے امداد لے جانے والے اس قافلے میں پاکستان کے سابق سینیٹر مشتاق احمد اور معروف عالمی ماحولیاتی کارکن گریٹا تھنبرگ سمیت تقریباً 500 افراد سوار تھے۔

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 12 days ago

پیٹرول اور ڈیزل کی قیمتوں میں کمی کا اعلان
- 14 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 11 days ago
پہلے ایل پی جی اوراب بجلی بم گرا دیا گیا
- 12 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 12 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 13 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 13 days ago

پولیس افسران کی ترقیوں کے خلاف پنجاب حکومت کی اپیلیں خارج
- 12 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 12 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 11 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 11 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 11 days ago



