اے بی ڈویلیئرز: ایشیا کپ میں بھارتی رویہ کھیل کی روح کے خلاف تھا

جنوبی افریقہ کے سابق کپتان اور عالمی شہرت یافتہ بلے باز اے بی ڈویلیئرز نے ایشیا کپ کے دوران بھارتی ٹیم کے مبینہ غیر پیشہ ورانہ رویے پر افسوس کا اظہار کیا ہے۔

ایک ٹی وی شو میں گفتگو کرتے ہوئے ان کا کہنا تھا کہ بھارتی ٹیم غالباً ٹرافی حاصل کرنے کے وقت جذباتی طور پر خوش نظر نہیں آئی، لیکن کھیل کے جذبے کو ایسے لمحات سے متاثر نہیں ہونا چاہیے۔

اے بی ڈویلیئرز نے زور دیتے ہوئے کہا کہ کھیل کو ہر صورت سیاست سے دور رکھنا چاہیے، اور کھیل کی خوشی کو کھیل کی اصل روح کے مطابق منایا جانا چاہیے۔

ان کا کہنا تھا کہ ایشیا کپ کی اختتامی تقریب میں جو کچھ دیکھنے کو ملا، وہ باعثِ تشویش تھا اور دل کو ٹھیس پہنچانے والا تھا۔ انہوں نے امید ظاہر کی کہ اس قسم کی صورتحال کا جلد حل نکالا جائے گا، کیونکہ ایسی باتیں نہ صرف کھیل بلکہ کھلاڑیوں کے لیے بھی نقصان دہ ہوتی ہیں۔

سابق اسٹار بلے باز نے صاف الفاظ میں کہا کہ وہ میدان میں سیاسی عناصر کی مداخلت کے سخت خلاف ہیں، کیونکہ یہ رجحان کھیل کی خوبصورتی کو متاثر کرتا ہے۔