Advertisement
پاکستان

شبلی فراز اور عمر ایوب نے ڈی سیٹ ہونے کا فیصلہ سپریم کورٹ میں چیلنج کر دیا

عمر ایوب کو سزائیں ملنے کے بعد ان کے ڈی سیٹ ہونے کا نوٹیفکیشن جاری کیا گیا تھا، جس کے خلاف دونوں رہنماؤں نے عدالت سے رجوع کر رکھا ہے

GNN Web Desk
شائع شدہ ایک سال قبل پر اکتوبر 4 2025، 5:58 شام
ویب ڈیسک کے ذریعے
شبلی فراز اور عمر ایوب نے ڈی سیٹ ہونے کا فیصلہ سپریم کورٹ میں چیلنج کر دیا

پاکستان تحریک انصاف کے چیئرمین، بیرسٹر گوہر علی خان نے سینیٹر شبلی فراز اور رکن قومی اسمبلی عمر ایوب کے ڈی سیٹ ہونے کے فیصلے کو سپریم کورٹ میں چیلنج کر دیا ہے۔ انہوں نے یہ اپیل بحیثیت وکیل دائر کی۔

یاد رہے کہ پشاور ہائی کورٹ نے ابتدائی طور پر شبلی فراز اور عمر ایوب کو ڈی سیٹ کرنے کے فیصلے پر حکم امتناع جاری کیا تھا، تاہم یکم اکتوبر کو یہ حکم واپس لیتے ہوئے مزید سماعت ملتوی کر دی گئی تھی۔ اس کے ساتھ ہی عدالت نے عمر ایوب کو مجاز فورم کے سامنے پیش ہونے کی بھی ہدایت کی تھی۔

الیکشن کمیشن کی جانب سے شبلی فراز اور عمر ایوب کو سزائیں ملنے کے بعد ان کے ڈی سیٹ ہونے کا نوٹیفکیشن جاری کیا گیا تھا، جس کے خلاف دونوں رہنماؤں نے عدالت سے رجوع کر رکھا ہے۔

Advertisement
رجحانات
Advertisement