راولپنڈی اور لاہور کے مابین چلنے والی ٹرینوں کے کرایوں میں نمایاں اضافہ

لاہور: راولپنڈی اور لاہور کے درمیان چلنے والی ریل کار ٹرینوں کے کرایوں میں اضافہ کر دیا گیا۔

ترجمان پاکستان ریلوے کے مطابق ریل کار سبک خرام اور ریل کار سبک رفتار کے کرایوں میں اضافہ کیا گیا، ٹرینوں کے کرایوں میں اضافے کا اطلاق آج سے ہو گا۔

اس حوالے سے ترجمان کا کہنا ہے کہ کرایوں میں 150 روپے سے 250 روپے تک کا اضافہ کیا گیا، کرایوں میں اضافے کے عوض مسافروں کو ریفریشمنٹ فراہم کی جائے گی۔

ترجمان ریلوے نے مزید بتایا ہے کہ لاہور اور راولپنڈی کے درمیان اے سی پارلر کا کرایہ 2500، اے سی بزنس کا 2250 ہو گیا ہے، اے سی اسٹینڈرڈ کا کرایہ 2100، اکانومی کلاس کا کرایہ 1300 روپے کر دیا گیا ہے۔

واضح رہے پٹرولیم مصنوعات کی قیمتوں میں اضافے کے باعث دو ماہ قبل بھی مسافر ٹرینوں اور مال بردار ریل گاڑیوں کے کرایوں میں 2 فیصد اضافہ کیا گیا تھا۔