ہنزہ اور گردونواح میں زلزلے کے جھٹکے، شدت 4.8 ریکارڈ

گلگت بلتستان: ہنزہ اور گرد و نواح کے علاقوں میں جمعرات کی صبح زلزلے کے جھٹکے محسوس کیے گئے، جس کے باعث شہری خوف و ہراس کا شکار ہو گئے اور کلمہ طیبہ کا ورد کرتے ہوئے گھروں سے باہر نکل آئے۔

زلزلہ پیما مرکز کے مطابق زلزلے کی شدت ریکٹر اسکیل پر 4.8 ریکارڈ کی گئی، جب کہ اس کی گہرائی 25 کلومیٹر اور مرکز گلگت بلتستان کے شمال مشرق میں 90 کلومیٹر دور واقع تھا۔

تاحال کسی قسم کے جانی یا مالی نقصان کی اطلاع موصول نہیں ہوئی ہے، تاہم مقامی انتظامیہ نے صورتحال پر نظر رکھنے کے لیے متعلقہ اداروں کو الرٹ کر دیا ہے۔