حوثیوں نے چیف آف اسٹاف الغماری کی شہادت کی تصدیق کر دی

صنعا (یمن): یمن کے حوثی باغیوں نے جمعرات کو تصدیق کی ہے کہ ان کے چیف آف اسٹاف محمد عبد الکریم الغماری شہید ہو گئے ہیں۔

حوثیوں کی جانب سے جاری بیان میں کہا گیا کہ الغماری نے “اپنے فرائض کی انجام دہی” کے دوران شہادت پائی۔ اگرچہ بیان میں اسرائیل پر براہِ راست الزام عائد نہیں کیا گیا، مگر یہ بھی کہا گیا کہ “ہماری کشمکش اسرائیل کے ساتھ ختم نہیں ہوئی، اور اسرائیل کو اس کے جرائم کی سزا دی تھی۔ 

یہ واقعہ اُس پس منظرمیں سامنے آیا ہے کہ اگست میں اسرائیلی فضائی حملوں میں حوثی حکومت کے وزیر اعظم اور کئی وزراء شہید ہو گئے تھے، اور اُس وقت اسرائیل نے دعویٰ کیا تھا کہ ان حملوں کا ہدف الغماری، وزیرِ دفاع اور دیگر اعلی حکام تھے۔

الغِماری جہاد آفس کے رکن تھے، جو حوثیوں کی فوجی کارروائیوں کی نگرانی کرتا ہے، اور یہ دفتر گروپ کے سربراہ عبدالملک الحوثی کے ماتحت ہے۔

حوثی رہنما عبدالملک الحوثی نے پہلے اعلان کیا تھا کہ ان کا گروپ غزہ میں جاری جنگ بندی پر نظر رکھے گا۔ اگر اسرائیل معاہدے کی خلاف ورزی کرے گا تو وہ غزہ کی حمایت میں دوبارہ کارروائیاں کریں گے۔