بڑی مقدار میں چرس کی سپلائی ناکام بنا دی گئی

تفصیلات کے مطابق   بین الضلاعی منشیات کی سپلائی میں ملوث دو بڑے سپلائرز مخدوم علی اور کوثر علی شاہ گرفتار 22 کلوگرام سے زائد چرس برآمد کرلی گئی،چرس گاڑی کے خفیہ خانوں میں چھپائی ہوئی تھی۔پولیس نے گاڑی کو قبضہ میں لے لیا۔

ایس ایس پی آپریشنز کا کہنا ہے کہ  منشیات سپلائرز کا تعلق اورکزئی ایجنسی اور کوہاٹ سے ہے، ملزمان چرس کی بڑی کھیپ خیبر پختون سے پنجاب اور اسلام آباد میں سپلائی کرتے تھے، ملزمان کی نشاندہی پر دیگر ساتھیوں کی گرفتاری کیلئے چھاپے مارے جارہے ہیں، ملزمان کے خلاف مقدمات درج رجسٹر کر کے مزید تفتیش شروع کر دی گئی ہے۔

تفصیلات کے مطابق کارروائی رات گئے اسپیشل چیکنگ کے دوران ایس ایچ او اشتاق شاہ معہ  ایس آئی نواز تھابل کانسٹیبل معظم علی، کانسٹیبل زیشان علی اور کانسٹیبل محمد ساجد  نے کی۔ترجمان اسلام آباد پولیس کا کہنا ہے کہ آئی جی اسلام آباد، ڈی آئی جی آپریشنز اور ایس ایس پی آپریشنز نے انڈسٹریل ایریا زون کی کارکردگی کو سراہا ھے۔