کیا بالی ووڈ اداکارہ دیا مرزا دوبارہ رشتہ ازدواج میں منسلک ہونے جار ہی ہیں

بھارتی  میڈیا کے مطابق  بالی ووڈ اداکارہ دیا مرزا  ایک کاروباری شخصیت سے شادی کرنے جارہی ہیں ، دیا مرزا نے  خود نہ تو کوئی بیان جاری کیا ہے اور نہ ہی اس خبر کی تصدیق کی ہے۔ دیا مرزا آنے والے پیر کو ممبئی میں مقیم  کاروباری شخصیت ویبھوو ریکھی سے شادی کریں گی،جبکہ شادی کی تقریب میں دلہا اور دلہن کے قریبی دوستوں اور خاندان کے افراد شرکت کریں گے۔

بیوٹی کوئین دیا مرزا  نے بالی ووڈ میں کامیاب اداکاری کے جوہر دکھائے ہیں ، ان فلمز  میں" لگے  رہو منا بھائی" اور "تہذیب" شامل ہیں ۔

واضح رہے کہ اداکارہ  دیا مرزا  کی سابقہ شادی ساحل سنگھا سے ہوئی تھی، تاہم اگست 2019 میں یہ شادی تقریبا پانچ سال بعد طلاق پر ختم ہوگئی۔