تیسرا ٹی ٹوئنٹی: پاکستان کاجنوبی افریقہ کے خلاف ٹاس جیت کر فیلڈنگ کا فیصلہ

لاہور: پاکستان اور جنوبی افریقہ کے مابین تین میچوں کی سیریز کے آخری اور فیصلہ کن ٹی ٹوئنٹی میچ میں پاکستان نے ٹاس جیت کر پہلے فیلڈنگ کرنے کا فیصلہ کیا ہے۔

قدافی اسٹیڈیم لاہور میں کھیلے جانے والے میچ میں ٹاس کے موقع پر پاکستانی کرکٹ ٹیم کے کپتان سلمان علی آغا نے کہا کہ دوسرے میچ میں شاندار کامیابی سے ٹیم کے کھلاڑیوں کا حوصلہ بلند ہے ہم کوشش کریں گے کہ جنوبی افریقی ٹیم کو کم سے کم اسکور تک محدود رکھا جا سکے۔

ٹاس کے موقع پر کپتان سلمان علی آغا نے بتایا کہ پاکستانی اسکواڈ میں 2 تبدیلیاں کی گئی ہیں، اسپنر ابرار احمد اور فاسٹ باؤلر نسیم شاہ کو آرام دیا گیا جبکہ اسپنر عثمان طارق پاکستان کے لیے آج اپنا ٹی 20 ڈیبیو کریں گے۔

فاسٹ باؤلر شاہین شاہ آفریدی کی بھی پاکستان کی فائنل الیون میں واپسی ہوئی ہے۔

دوسری جانب شائقینِ کرکٹ ایک بار پھر اوپننگ جوڑی صائم ایوب اور صاحبزادہ فرحان سے اچھی کارکردگی کی امیدن لگائے ہوئے ہیں،جبکہ بولنگ میں سلمان مرزا ، فہیم اشرف اور  سے بہترین کارکردگی کی توقعات وابستہ کی جا رہی ہیں۔

واضح رہے کہ ٹی 20 سیریز کے پہلے میچ میں مہمان جنوبی افریقہ نے پاکستان کو 55 رنز سے شکست دے تھی، راولپنڈی کرکٹ سٹیڈیم میں کھیلے گئے میچ میں پروٹیز ٹیم کے 195 رنز کے تعاقب میں پاکستان ٹیم 19ویں اوور میں 139رنز پر ڈھیر ہو گئی تھی۔

اِسی طرح لاہور میں جمعہ کو کھیلے گئے میچ میں جنوبی افریقہ کو 9 وکٹوں کے ہرا کر سیریز1-1برابر کرلی تھی۔