بیروزگار نوجوانوں کیلئے اچھی خبر،سندھ حکومت نے بھرتیوں پر عائد پابندی ختم کر دی

کراچی: صوبے کے بیروزگار شہریوں اور نوجوانوں کیلئے اچھی خبر سامنے آئی ہے، سندھ حکومت نے گریڈ 5 سے 15 تک بھرتیوں پر عائد پابندی ختم کر دی ہے۔

اس حوالے سے صوبائی حکومت کی جانب سےباقاعدہ نوٹیفکیشن جاری کر دیا گیا ہے۔

جاری کر دی نوٹیفکیشن میں تمام متعلقہ محکموں کو ہدایت کی گئی ہے کہ وہ قواعد و ضوابط کے مطابق بھرتیوں کا عمل شروع کریں،وزیرِ اعلیٰ سندھ مراد علی شاہ نے حال ہی میں سندھ جاب پورٹل کا افتتاح کیا ہے، جس کے ذریعے صوبے بھر میں شفاف اور میرٹ پر مبنی بھرتیوں کو یقینی بنایا جائے گا، آئندہ 15 روز میں مختلف محکموں میں بھرتیوں کا سلسلہ شروع کیا جائے گا۔

واضح رہے کہ 28 اکتوبر کو کراچی میں منعقدہ تقریب کے دوران وزیراعلیٰ مراد علی شاہ نے کہا تھا کہ سندھ حکومت نوجوانوں کو روزگار کے بہتر مواقع فراہم کرنے کے لیے پرعزم ہے۔

اس موقع پر وزیر اعلی مراد علی شاہ کا کہنا تھا کہ ابتدائی طور پر گریڈ 1 سے 5 کی ملازمتوں کا سلسلہ آئندہ 15 دن میں شروع ہو جائے گا جبکہ آئندہ مراحل میں دیگرگریڈز میں بھی بھرتیاں عمل میں لائی جائیں گی تاکہ صوبے میں روزگار کے مواقع بڑھ سکیں۔