پی ٹی آئی کا یوٹرن، بلوچستان سے عبدالقادر سے سینیٹ کا ٹکٹ واپس

تفصیلات کے مطابق بلوچستان میں سینیٹ کی جنرل نشست پر پاکستان تحریک انصاف نے کاروباری شخصیت عبدالقادر کو نامزد کیا تھا تاہم  عبدالقادر کوبلوچستان سے ٹکٹ دینے پر مقامی قیادت نے شدید احتجاج  کیا جس پر کپتان نے کارکنوں کی سن لی اور  پی ٹی آئی نے یوٹرن لے لیا اور عبدالقادر سے ٹکٹ واپس لے کر ظہور آغا کو امیدوار نامزد کردیا گیا۔

وزیر اعظم عمران خان کے معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پر پیغام شیئرکیا کہ عبدالقادر سے ٹکٹ واپس لے کر ظہور آغا کو دے دیا گیا ہے،کپتان ہمیشہ اپنے پارٹی ورکرز کی آواز سنتا ہے۔

بلوچستان سے سینیٹ کا ٹکٹ قادر صاحب سے واپس لے کر ظہور آغا کو جاری کیا جا رہا ہے۔ کپتان ہمیشہ اپنے پارٹی ورکر کی آواز سنتا ہے۔

— Dr. Shahbaz GiLL (@SHABAZGIL) February 13, 2021