امتحانی مرکز کے عملے کی بے حسی،10منٹ لیٹ ہونے پر طالبعلم کو امتحان میں بیٹھنے سے روک دیا

تفصیلات کے مطابق  پنجاب یونیورسٹی  امتحانی  مرکزکے عملے کی  بےحسی،10 منٹ لیٹ ہونے پرتھرڈ ایئر کے  طالب علم کوامتحان میں بیٹھنے نہ دیا گیا۔طالبعلم نےگارڈ کےپاوں پکڑے منتیں بھی کیں مگر عملے کورحم نہ آیا۔طالب علم پیپر ختم ہونے تک منت سماجت کرتا رہا،فوٹیج سامنے آگئی۔

عملے اور گارڈز کی جانب سے بچے کو گالیاں بھی  دیں گئیں، طالب علم کےوالدین اور وہاں موجود لوگوں کے کہنے پر  بھی  عملے کو رحم نہ آیا۔تھرڈ ایئر پارٹ ون کا آج مطالعہ پاکستان کا پرچہ تھا۔

وحدت روڈ پنجاب یونیورسٹی امتحانی مرکز کے عملے کی بے حسی ۔ ۔ ۔
10 منٹ لیٹ ہونے پر تھرڈ ائیر کے طالب علم کو امتحان میں بیٹھنے نہ دیا . . .
طالب علم گارڈ کے پاوں پکڑتا رہا #GNN #GNNUpdates #BreakingNews pic.twitter.com/OJPIiZjLX9

— GNN (@gnnhdofficial) February 13, 2021

ترجمان پنجاب یونیورسٹی کا کہنا ہے کہ   ایسوسی ایٹ ڈگری میں مطالعہ پاکستان کے امتحان میں امیدوار 55 منٹ تاخیر سے پہنچا، مطالعہ پاکستان کے امتحان کا کل دورانیہ ڈیڑھ گھنٹہ تھا،امیدوار کے امتحانی مرکز پہنچنے سے قبل 40سے زائد امیدوار پرچہ دے کر جا چکے تھے، ایک بھی امیدوار پرچہ دے کر امتحانی مرکز چھوڑ دے تو وہ سوالنامہ ساتھ لے جاتا ہے،کوئی بھی امیدوار امتحانی مرکز چھوڑ دے تو کسی اور امیدوار کو داخلے کی اجازت نہیں ہے۔

ترجمان پنجاب یونیورسٹی کا کہنا تھا کہ  امیدوار کے 30منٹ تاخیر سے پہنچنے میں کوئی صداقت نہیں ہے،گارڈز نے تاخیر سے آنے والے مقررہ وقت کے بعد مزید تاخیر سے آنے پر امیدوار کو روکا،متعلقہ امیدوار کو مقررہ وقت سے زیادہ تاخیر سے آنے پر قانون کے مطابق روکاگیا۔