اسحاق ڈار کا سعودی وزیر خارجہ سے ٹیلیفونک رابطہ،علاقائی صورتحال پر تبادلہ خیال

اسلام آباد: وزیرخارجہ اسحاق ڈار نے سعودی  وزیرخارجہ شہزادہ فیصل بن فرحان سے ٹیلیفونک رابطہ کیا  اور حالیہ علاقائی صورتحال  پر تبادل  خیال کیا۔

وزیرخارجہ اسحاق ڈار نے سعودی وزیر خارجہ کو نئے سال کی مبارک باد دی جس پر شہزادہ فیصل بن فرحان نے نیک تمناؤں کا جواب دیا۔

ٹیلیفونک گفتگو کے دوران دونوں رہنماؤں نے خطے کی موجودہ صورتحال اور حالیہ پیش رفت پر تبادلہ خیال کیا۔

اس موقع پر نائب وزیراعظم و وزیر خارجہ نے دوطرفہ تعلقات کے مثبت رجحان پر اطمینان کا اظہار کیا جبکہ پرنس فیصل نے تعلقات کو مزید مضبوط اور فروغ دینے کے عزم کو دہرایا۔