لاہور:نئے سال 2026 کیلئے پولیس کا سیکیورٹی پلان سامنے آگیا

لاہور: ڈی آئی جی آپریشنز فیصل کامران نے 2026 کے سکیورٹی روڈ میپ کی تفصیلات بتائیں۔

تفصیلات کے مطابق ڈی آئی جی آپریشنز فیصل کامران نے اپنے ویڈیو پیغام میں بتایا کہ، نیو ایئر نائٹ کے موقع پر بہت ساری تقریبات ہوتی ہیں، عوام باہر آتے ہیں، فیملیز ہوتی ہیں، مارکیٹس میں کافی ہجوم ہوتا ہے۔

ویڈیو پیغام میں ڈی آئی جی فیصل کامران نے کہا کہ لاہور میں گہماگہمی زیادہ ہوتی ہے، مختلف علاقوں میں نیو ایئر  کے موقع مختلف طریقوں سے جشن منایا جاتا ہے، اس دوران جن چیلنجز کا سامنا کرنا پڑتا ہے وہ ہے ہوائی فائرنگ، ون ویلنگ، ہلڑ بازی، ان پر پہلے سے کریک ڈاؤن شروع کردیا جاتا ہے۔ 

اپنے بیان میں ان کا مزید کہنا تھا کہ خصوصی گشت یونٹس سے لے کر کمیونٹی رضاکاروں تک، ہم سب کے لیے محفوظ ماحول یقینی بنانے کے لیے تیار ہیں،ان کا کہنا تھا کہ فضائی فائرنگ، ون ویلنگ، اور ہراسانی کے لیے صفر برداشت ہے، رضاکار پہلے ہی مدد کے لیے موجود ہیں۔