اے ٹی سی نے وزیراعلیٰ خیبر پختونخوا کے ناقابل ضمانت وارنٹ گرفتاری جاری کر دیے

اسلام آباد: انسداد دہشتگردی عدالت( اے ٹی سی ) نے وزیراعلیٰ خیبر پختونخوا سہیل آفریدی کے ناقابل ضمانت وارنٹ گرفتاری جاری کر دیے۔

تفصیلات کے مطابق ڈسٹرکٹ اینڈ سیشن کورٹس اسلام آباد میں وزیراعلیٰ خیبر پختونخوا کے خلاف ریاستی اداروں پرگمراہ کن الزامات کے کیس کی سماعت ہوئی۔سینئر سول جج عباس شاہ نے مقدمہ کی سماعت کی۔

دوران سماعت عدالت نے وزیراعلیٰ خیبرپختونخوا کے وارنٹ گرفتاری جاری کرتے ہوئے انہیں گرفتار کرکے عدالت پیش کرنے کا حکم جاری کر دیا۔

خیال رہے کہ وزیراعلیٰ خیبرپختونخوا سہیل آفریدی کے خلاف پیکا ایکٹ کے تحت این سی سی آئی اے نے مقدمہ درج کر رکھا ہے۔ بعد ازاں عدالت نے سماعت 17 جنوری تک ملتوی کر دی۔