امریکا کی وینزویلا پر حملے کی تصدیق ، صدر اوراہلیہ کوگرفتار کرکے ملک سے باہر منتقل کر دیا گیا،ٹرمپ

واشنگٹن ڈی سی: وینزویلا کے دارالحکومت کراکس پر فضائی حملوں کے بعد امریکہ صدر ٹرمپ کا کہنا ہے کہ وینزویلا کے صدر اور ان کی اہلیہ کو گرفتار کر کے ملک بدر کر دیا گیا ہے۔

تفصیلات کے مطابق اپنے سوشل میڈیا پیلٹ فارم پر جاری کر دہ بیان میں ٹرمپ نے اعتراف کرتے ہوئے کہا کہ وینزویلا اور اس کے اہم لیڈر پر بڑے پیمانے پر حملے کیے گئے ہیں۔

بیان میں ٹرمپ نےمزید کہا کہ یہ کارروائی امریکی قانون نافذ کرنے والے اداروں کے اشتراک سے کی گئی، کچھ دیر بعد تفصیلات سے آگاہ کیا جائے گا، آپ کی توجہ کا شکریہ۔

خیال رہے کہ اس سے قبل وینزویلا کے دارالحکومت کاراکاس سمیت مختلف شہروں میں امریکا کی جانب سے حملے کیے گئے تھے۔ وینزویلا کی حکومت نے ملک میں امریکی حملوں کی تصدیق کردی تھی۔

رپورٹس کے مطابق وینزویلا کی حکومت نے اپنے بیان میں کہا ہے کہ یہ حملے دارالحکومت کراکس، میرانڈا، آراگوا اور لاگویرا ریاستوں میں ہوئے۔

حملوں کے بعد وینز ویلا کے صدر نیکولس مادورو نے نیشنل ایمرجنسی کا اعلان کرتے ہوئے کہا ہے کہ امریکا وینزویلا کے تیل اور معدنیات پر قبضہ کرنا چاہتا ہے مگر وہ اس میں ناکام رہے گا۔

دوسری جانب روسی میڈیا نے دعویٰ کیا ہے کہ امریکی حملوں میں وینزویلا کےدفاعی ہیڈکوارٹرزکو نشانہ بنایاگیا ہے اور وینزویلا کے صدر صدارتی محل چھوڑ کر چلے گئے ہیں،جبکہ وینزویلا کے کئی جزائر میں امریکی میرینز کے زمینی آپریشن شروع کرنے کی غیرمصدقہ اطلاعات آئی ہیں۔