Advertisement

سرگودھا: ٹک ٹاک ویڈیو بنانے پر جھگڑا، فائرنگ سے 2 افراد جاں بحق،متعدد زخمی

افسوسناک واقعہ نوجوانوں کے درمیان ٹک ٹاک پر ویڈیوز اپ لوڈ کرنے کے تنازع پر پیش آیا، فریقین کے درمیان پہلے کوئی ذاتی دشمنی موجود نہیں تھی،پولیس

GNN Web Desk
شائع شدہ 10 ماہ قبل پر جنوری 4 2026، 8:49 شام
ویب ڈیسک کے ذریعے
سرگودھا: ٹک ٹاک ویڈیو بنانے پر جھگڑا، فائرنگ سے 2 افراد جاں بحق،متعدد زخمی

سرگودھا: پنجاب کے شہر سرگودھا میں ٹک ٹاک ویڈیو بنانے پر جھگڑا 2 افراد کی جان لے گیا جبکہ 5 افراد زخمی ہو گئے۔

تفصیلات کے مطابق سرگودھا کے علاقہ شاہپور میں  دو گروپوں کے درمیان فائرنگ کے نتیجے میں مسعود کنڈان موقع پر جاں بحق ہو گیا، جبکہ ایک اور شخص ہسپتال پہنچ کر دم توڑ گیا جاں بحق افراد کی تعداد دو ہو گئی ہے۔

اس کے علاوہ افراد 5زخمی بھی ہوئے،تمام زخمیوں کو تشویشناک حالت میں سرگودھا ریفر کر دیا گیا ہے۔  

ابتدائی معلومات کے مطابق افسوسناک واقعہ نوجوانوں کے درمیان ٹک ٹاک پر ویڈیوز اپ لوڈ کرنے کے تنازع پر پیش آیا، فریقین کے درمیان پہلے کوئی ذاتی دشمنی موجود نہیں تھی۔

پولیس کاکہنا ہےکہ واقعے میں ملوث  ملزمان فرار ہیں، جن کی تلاش جاری ہے۔

Advertisement
رجحانات
Advertisement