مٹیاری : ٹرالر اور وین میں تصادم سے 4مسافر جاں بحق،متعدد زخمی

مٹیاری:اندرون سندھ کے علاقے مٹیاری میں ٹرالر اور وین میں تصادم سے4مسافر جاں بحق جبکہ متعدد زخمی ہو گئے۔

ریسکیو حکام کے مطابق حادثہ ہالا کے قریب پیش آیا، جہاں قومی شاہراہ پر ٹرالر مسافر وین پر چڑھ گیا جس کے نتیجے میں 4 مسافر جاں بحق جب کہ 11 شدید زخمی ہو گئے۔

حکام کا کہنا ہے کہ حادثے کے باعث قومی شاہراہ پر آمدورفت معطل ہو گئی جب کہ پھنسے ہوئے مسافروں کو وین سے کرین کی مدد سے نکالا گیا۔

دوسری جانب واقعہ کی اطلاع ملنے پر مقامی پولیس اور انتظامیہ موقع پر پہنچ گئی جنہوں نے جاں بحق اور زخمیوں کو تعلقہ ہسپتال ہالا منتقل کرایا،پولیس کا مزید کہنا تھا کہ ٹرالر ڈرائیور موقع سے فرار ہو گیا جب کہ ٹرالر کو تحویل میں لے کر کارروائی کا آغاز کردیا گیا۔