Advertisement
تجارت

اسٹاک مارکیٹ میں ریکارڈ بننے کا سلسلہ برقرار، انڈیکس ایک لاکھ 83 ہزار پوائنٹس کی حد بھی عبور کر گیا

پہلے روزآٹو موبائل اسمبلرز، سیمنٹ، کمرشل بینکس، آئل اینڈ گیس ایکسپلوریشن، آئل مارکیٹنگ کمپنیوں (او ایم سیز) اور پاور جنریشن کے شعبوں میں نمایاں خریداری رہی

GNN Web Desk
شائع شدہ 10 ماہ قبل پر جنوری 5 2026، 5:49 شام
ویب ڈیسک کے ذریعے
اسٹاک مارکیٹ میں ریکارڈ بننے کا سلسلہ برقرار، انڈیکس ایک لاکھ 83 ہزار پوائنٹس کی حد بھی عبور کر گیا

کراچی:پاکستان ا سٹاک مارکیٹ میں مثبت رجحان کے باعث ریکارڈ بننے کا سلسلہ برقرار ہے۔

تفصیلات کے مطابق کاروباری ہفتے کے پہلے روز مارکیٹ کے آغاز پر سٹاک ایکسچینج میں زبردست تیزی دیکھنے میں آئی اور 4800 سے زائد پوائنٹس کے اضافے کے ساتھ پاکستان سٹاک مارکیٹ ایک لاکھ 83 ہزار پوائنٹس کی حد بھی عبور کر گئی۔

ٹریڈنگ کے دوران سٹاک ایکسچینج میں ہنڈرڈ انڈیکس ایک لاکھ 83 ہزار 964 پوائنٹس کی بلند ترین سطح پر پہنچ گیا ہے تاہم کاروباری روز کے اختتام پر ہنڈرڈ انڈیکس 3373 پوائنٹس اضافے کیساتھ ایک لاکھ 82 ہزار 408 پوائنٹس کی سطح پر بند ہوا۔

پہلے روزآٹو موبائل اسمبلرز، سیمنٹ، کمرشل بینکس، آئل اینڈ گیس ایکسپلوریشن، آئل مارکیٹنگ کمپنیوں (او ایم سیز) اور پاور جنریشن کے شعبوں میں نمایاں خریداری رہی۔

اسی طرح حبکو، ماری، او جی ڈی سی ایل، پول، پی پی ایل، پی ایس او، ایس این جی پی ایل، ایس ایس جی سی، ایچ بی ایل، ایم سی بی، میزان بینک اور یو بی ایل بھی مثبت زون میں دکھائی دیئے۔

واضح رہے کہ گزشتہ کاروباری ہفتے کے اختتام پر پاکستان سٹاک مارکیٹ میں 2679 پوائنٹس اضافے سے ہنڈرڈ انڈیکس پہلی بار ایک لاکھ 79 ہزار 34 پوائنٹس کی سطح پر بند ہوا تھا۔

Advertisement
رجحانات
Advertisement