اوباڑو:ٹرک نے موٹر سائیکل سواروں کو کچل ڈالا، بچوں، خواتین سمیت 4 جاں بحق

اوباڑو: صوبہ سندھ میں گڈو لنک روڈ پر خوفناک ٹریفک حادثہ پیش آیا جس کے نتیجے میں تیز رفتار ٹرک نے موٹر سائیکل سواروں کو کچل ڈالا۔

ریسکیو حکام کے مطابق حادثے میں بچوں اور خواتین سمیت 4 افراد جاں بحق ہو گئے، جاں بحق افراد کا تعلق ایک ہی خاندان سے ہے۔

حکام کا کہنا ہے کہ حادثہ تیز رفتاری کے باعث پیش آیا، ٹرک ڈرائیور موقع سے فرار ہونے میں کامیاب ہو گیا، لاشوں کو تحصیل ہیڈکوارٹرز ہسپتال منتقل کر دیا گیا۔

دوسری جانب پولیس نے ٹرک تحویل میں لے کر حادثے کی تحقیقات شروع کر دیں۔