مہنگا سونا آج پھر ہزاروں روپے مہنگا، فی تولہ کتنے کا ہو گیا؟

کراچی: عالمی و مقامی مارکیٹوں میں آج پھر سونے کی قیمتوں میں نمایاں اضافہ ریکارڈ کیا گیا ہے۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے دوسرے روز ملک میں سونے کے نرخ میں مزید 3200 روپے فی تولہ کا اضافہ ہوا ہے، جس کے بعد سونے کی نئی قیمت 4 لاکھ 67 ہزار 962 روپے ہو گئی ہے۔

ایسوسی ایشن کے مطابق اسی طرح10 گرام سونا 2 ہزار 743 روپے مہنگا ہوا ہے جس کے بعد نئے نرخ 4 لاکھ 1 ہزار 201 روپے ہو گئے ہیں۔

دوسری جانب عالمی بلین مارکیٹ میں سونا 32 ڈالر مہنگا ہونے سے فی اونس قیمت 4456 ڈالر کی سطح پر آ گئی ہے۔

خیال رہے کہ گزشتہ روز سونے کے فی تولہ نرخ میں 9200 روپے کا اضافہ ہوا تھا۔