گلگت بلتستان کی نگران کابینہ نے حلف اٹھالیا

گلگت:  گلگت بلتستان کی نگران کابینہ نے حلف اٹھالیا۔

تفصیلات کے مطابق حلف برداری کی تقریب گورنر ہاؤس میں منعقد ہوئی جہاں سپیکر گلگت بلتستان اسمبلی نذیر احمد نے نگران کابینہ کے ارکان سے حلف لیا۔

تقریب حلف برداری میں نگران وزیر اعلیٰ یار محمد، چیف سیکرٹری ابرار احمد مرزا، اراکین کونسل اور اعلیٰ سرکاری افسران نے شرکت کی۔

نگران کابینہ میں ساجد علی بیگ، انجینئر الطاف حسین، غلام عباس، کرنل ریٹائرڈ ابرار اسماعیل، مہرداد، شرافت دین، مولانا سرور شاہ، راجہ شہباز خان، ممتاز حسین، ڈاکٹر نیاز علی، سید عدیل شاہ، بہادر علی، سیدہ فاطمہ اور عبدالحکیم شامل ہیں۔

اسی طرح نگران کابینہ میں بارہ وزراء اور دو مشیر شامل ہیں۔