سابق وزیر اعلی علی امین گنڈاپور اشتہاری قرار، وارنٹ گرفتاری جاری

اسلام آباد:ڈسٹرکٹ اینڈ سیشن کورٹس اسلام آباد نے سابق وزیر اعلیٰ خیبر پختونخوا علی امین گنڈا پور کو اشتہاری قرار دیتے ہوئے وارنٹ گرفتاری جاری کر دیے۔

تفصیلات کے مطابق جوڈیشل مجسٹریٹ مبشر حسن چشتی نےعلی امین گنڈا پور کے خلاف شراب و اسلحہ برآمدگی کیس پر سماعت کی، علی امین گنڈا پور آج عدالت میں پیش نہ ہوئے۔

دوران سماعت عدالت نے مسلسل عدم پیشی پرانہیں اشتہاری قرار دیا، عدالت نے علی امین گنڈا پور کو اشتہاری قرار دینے کا زبانی فیصلہ سنایا۔ 

واضح رہے کہ علی امین گنڈا پور کے خلاف تھانہ بارہ کہو میں مقدمہ درج ہے۔